យន្តហោះ Airbus A320 ហោះឡើងចេញពីព្រលាន Vaclav Havel ក្រុង ទូលូៈ ក្រុមហ៊ុន Airbus SAS ជិតនឹងសម្រេចបានកិច្ចព្រមព្រៀងលក់យន្តហោះមួយជាមួយក្រុមហ៊ុនអាកាសចរណ៍ Kuwait Airway ចំនួន ២៥គ្រឿងក្នុងតម្លៃចំនួន ៤,៤ពាន់លានដុល្លារដោយផ្អែកតាមតម្លៃដែលចុះបញ្ជី។នេះយោងតាមមន្ត្រីពីរនាក់ដែលស្និទ្ធនឹងបញ្ហានេះ។ មន្ត្រីដែលសុំមិនបញ្ចេញឈ្មោះដោយសារតែការកិច្ចព្រមព្រៀងទិញយន្តហោះនេះ មិនទាន់សម្រេចនៅឡើយនោះបានឲ្យដឹងថា ក្រុមហ៊ុនអាកាសចរណ៍របស់ប្រទេសគុយវែតមួយនេះអាចចុះហត្ថលេខាលើកិច្ចព្រមព្រៀងទិញលក់នេះឆាប់បំផុតនៅដើមខែនេះដើម្បីទិញយន្តហោះម៉ាក់ Airbus A350-900s ចំនួន១០គ្រឿង និងយន្តហោះមានច្រកដើរតែមួយម៉ាក A320neos ចំនួន ១៥គ្រឿងដោយការចែកចាយយន្តហោះទាំងនេះនឹងចាប់ផ្ដើមនៅឆ្នាំ២០១៩។ ក្រុមហ៊ុនផលិតយន្តហោះ Airbus បានទទួលការបញ្ជាទិញចំនួន ៦១៦គ្រឿងកាលពីចុងខែមេសានូវយន្តហោះស៊េរី Airbus A350 ជាច្រើនគ្រឿងដែលចាប់ផ្ដើមចែកចាយនៅមុនចុងឆ្នាំ២០១៤ហើយយន្តហោះម៉ូដែលនេះត្រូវបានផលិតឡើងដើម្បីប្រកួតប្រជែងនឹងយន្តហោះម៉ាកទំហំខ្លួនធំ Dreamliner 787 និង 777 របស់ក្រុមហ៊ុន Boeing Co។ ក្រុមហ៊ុន Boeing បានចាប់ផ្ដើមដំណើរការធ្វើទីផ្សារសម្រាប់យន្តហោះម៉ូដែលថ្មីដែលធ្វើបច្ចុប្បន្នកាលពីម៉ូដែល777 និង 777X របស់ខ្លួន ទោះជាក្រុមហ៊ុននេះមិនទាន់ស្វែងរកការអនុម័តពីក្រុមប្រឹក្សាក្នុងការបង្កើតយន្តហោះនេះក្ដី។ ក្រុមហ៊ុន Airbus…
Author: ភ្នំពេញ ប៉ុសិ៍្ត
ក្រុង អេឡេសព្រីៈ ក្រុមប្រទេសមានសេដ្ឋកិច្ចជឿនលឿនទាំង៧ (G-7) បានព្រមព្រៀងគ្នាលើភាពចាំបាច់ក្នុងការរឹតបន្តឹងវិធានការអន្តរជាតិ ដើម្បីទប់ស្កាត់បុគ្គលមានទ្រព្យស្តុកស្តម្ភនិងសាជីវកម្មមួយចំនួនទៀតដែលគេចវេះពីការបង់ពន្ធដែលបានធ្វើឲ្យរដ្ឋាភិបាលខាតបង់ប្រាក់រាប់ពាន់លានដុល្លារ។ សមាជិក ក្រុមប្រទេស G-7 ដែលជាសមាជិករបស់សហភាពអឺរ៉ុបគឺចក្រភពអង់គ្លេស បារាំង អាល្លឺម៉ង់ និងអ៊ីតាលី នៅសប្ដាហ៍នេះនឹងជំរុញឲ្យបណ្ដាប្រទេសជាសមាជិកសហភាពអឺរ៉ុបផ្សេងទៀតឲ្យចូលរួមក្នុងគោលនយោបាយ Savings Directive ក្នុងគោលបំណងធ្វើឲ្យប្រសើរឡើងនូវការចែករំលែកព័ត៌មានដើម្បីបង្ក្រាបលើការគេចពន្ធ។ ក្រុមប្រទេស G-7 ក៏នឹងព្យាយាមស្វែងរកការចូលរួមពីសំណាក់ប្រទេសដែលមានសេដ្ឋកិច្ចកំពុងលេចធ្លោក្នុងការទប់ស្កាត់ការគេចពន្ធនេះផងដែរ។ បន្ទាប់ពីមានកិច្ចពិភាក្សារយៈពេលពីរថ្ងៃជាមួយក្រុមប្រទេសជាដៃគូ G-7 នៅទីក្រុងអេឡេសព្រី ប្រទេសអង់គ្លេស លោករដ្ឋមន្ត្រីក្រសួងហិរញ្ញវត្ថុអង់គ្លេស George Osborne បានថ្លែងកាលពីចុងសប្តាហ៍មុនថា៖ «ប្រការដ៏សំខាន់នោះគឺថា ក្រុមហ៊ុននិងបុគ្គលគ្រប់រូបបង់ពន្ធតាមកាលកំណត់ហើយសារៈសំខាន់បែបនេះមិនមែនសម្រាប់តែអ្នកបង់ពន្ធនៅក្នុងចក្រភពអង់គ្លេសប៉ុណ្ណោះទេតែថែមទាំងសំខាន់សម្រាប់ក្រុមប្រទេសកំពុងអភិវឌ្ឍន៍ផងដែរ។ យើងទាំងអស់គ្នាបានព្រមព្រៀងគ្នាលើការចាត់សកម្មភាពរួមគ្នាដើម្បីប្រយុទ្ធប្រឆាំងទៅនឹងការគេចពន្ធនិងការមិនបង់ពន្ធ»។ ការពិភាក្សាមិនផ្លូវការរបស់ក្រុមរដ្ឋមន្ត្រីហិរញ្ញវត្ថុរបស់ក្រុមប្រទេស G-7 នេះមានបំណងបើកផ្លូវឲ្យមានវិធានការរួមគ្នាដ៏រឹងមាំថែមទៀតនៅឯកិច្ចប្រជុំអន្តរជាតិផ្សេងទៀតដូចជាកិច្ចប្រជុំក្រុមប្រទេស G-20 ជាដើម ខណៈក្រសួងហិរញ្ញវត្ថុរបស់ប្រទេសអ្នកមានទាំងនេះខិតខំបង្ហាញក្រុមអ្នកបោះឆ្នោតថា ពួកខ្លួនកំពុងចាត់វិធានការប្រយុទ្ធប្រឆាំងការរំលោភច្បាប់។ក្រុមហ៊ុន Google Inc គ្រោងនឹងបំភ្លឺប្រាប់ក្រុមសមាជិកសភាអង់គ្លេសនៅថ្ងៃទី១៦ ខែឧសភានេះដោយសារក្រុមហ៊ុននេះមានបំណងគាំទ្រដល់កិច្ចការបង់ពន្ធរបស់ខ្លួននៅទូទាំងពិភពលោក៕ PN
លោក ឈូក បណ្ឌិត ដើរចេញពីឧទ្ធរណ៍ កាលពីខែមីនា អត្ថបទ ទី១ និង ទី២ របស់ខ្ញុំបាទ ទទួលការអបអរសាទរ និងការណែនាំជាច្រើនពីប្រិយមិត្តអ្នកអាន ដែលពិតជាការលើកទឹកចិត្តឲ្យខ្ញុំបាទបន្តការងារមួយនេះដោយមិនគិតពីការនឿយហត់។ ខ្ញុំបាទសូមអរគុណជាអនេកប្បការចំពោះការគាំទ្រនេះជាពិសេស គឺរៀមច្បង ដែលបានផ្តល់ការណែនាំតាមរយៈអត្ថបទទាំងពីររបស់ខ្ញុំបាទកន្លងមក។ សូមអរគុណ និង សូមទទួលនូវការគោរពពីខ្ញុំបាទ ពីចម្ងាយ។ ដោយបន្តពីអត្ថបទទី២ក្នុងអត្ថបទទី៣ នេះ ខ្ញុំបាទសូមលើកយកតែយុទ្ធសាស្រ្តរបស់គណបក្សប្រឆាំង(ឯកឧត្តម សម រង្ស៊ី)សម្រាប់ពេលបោះឆ្នោតខាងមុខនេះ(វគ្គពាក់កណ្តាលផ្តាច់ព្រ័ត្រ)ក្នុងការវាយលុកទៅលើចំណុចខ្សោយរបស់គណបក្សប្រជាជន(សម្តេច ហ៊ុន សែន)ដែលបានដើរកាល់ជើងខ្លួនឯង ក្នុងពេលកន្លងមក។ តាមទ្រឹស្តីអ្នកលេងអុក បើត្រីណាឡើងបកមិនបាន គឺនឹងត្រូវយកធ្វើជារបងការពារ បើការពារមិនបាន គឺត្រូវដាក់ឲ្យគេស៊ី ដើម្បីបើកផ្លូវ។ ថ្មីៗនេះត្រីមួយចំនួនត្រូវបានសម្តេច ហ៊ុន សែន ដាក់ឲ្យគេស៊ីទទេ ដោយមិនបានអីសោះ។ តែបើមិនស៊ី គឺផ្លូវត្រូវបិទរួមទៅៗ ហើយត្រីបករបស់ឯកឧត្តម សម រង្ស៊ី កាន់តែចូលមកជិត។ តែបើវិភាគឲ្យល្អិតល្អន់ទៅ មិនដឹងថា បើកផ្លូវដើម្បីគេចខ្លួន ឬដើម្បីសម្រុកចូល ឬ…
ក្រុងប៉ារីស: ក្នុងនាមជាក្រុមដែលមានប្រៀបស្ទើរតែទាំងស្រុងក្នុងយុទ្ធនាការនេះ ទីបំផុត Paris Saint-Germain អាចអបអរការឈ្នះពានរង្វាន់ក្របខ័ណ្ឌ Ligue 1 ខណៈនៅសល់ការប្រកួតចំនួន២លើកទៀត ប៉ុន្តែភាពស្រពេចស្រពិលជុំវិញអនាគតរបស់ពួកគេ បានជះឥទ្ធិពលអាក្រក់មួយចំនួនទៅលើការទទួលជ័យជម្នះរបស់ក្លិបមួយនេះ។ មិនមានក្រុមណាមួយផ្សេងទៀតក្នុងប្រទេសបារាំង អាចរាំងស្ទះការកសាងរបស់ក្រុម PSG បានឡើយ ក្រោយពីពួកគេបានទទួលផ្នែកហិរញ្ញវត្ថុដ៏ច្រើនលើសលប់ពីម្ចាស់កម្មសិទ្ធិសញ្ជាតិកាតារបស់ពួកគេ បើទោះបីក្រុម Marseille និង Lyon បានបង្ហាញពីការប្រជែងដ៏ខ្លាំងក្លាជាងការរំពឹងទុកក៏ដោយ។ ប៉ុន្តែ ទោះបីជាយ៉ាងណាក៏ដោយ វាមានដំណាក់កាលជាច្រើនដែលវាហាក់ដូចជាបង្ហាញថា ក្រុមរបស់លោក Carlo Ancelotti អាចធ្លាក់ចូលក្រោមសម្ពាធ ជាពិសេសអំឡុងពេលជួបភាពត្រដាបត្រដួសចំនួន៥ប្រកួតជាប់ៗគ្នានៅក្នុងខែវិច្ឆិកា និងខែធ្នូ ដែលនៅពេលនោះពួកគេទទួលបានត្រឹមតែ៤ពិន្ទុប៉ុណ្ណោះ។ ក្រោយមកទៀត ការទទួលបរាជ័យនៅលើទឹកដីក្រុម Sochaux និង Reims ក្រោយពីការសម្រាកនារដូវរងា បានធ្វើឲ្យក្តីសង្ឃឹមផ្សេងៗរបស់គូប្រជែងពួកគេរស់ឡើងវិញ និងបាននាំឲ្យមាននូវការចាប់អារម្មណ៍ថា ការប្រមូលកីឡាករឆ្នើមៗរបស់ PSG ត្រូវបានផ្តោតត្រឹមតែទៅលើការប្រកួតក្នុងក្របខ័ណ្ឌ Champions League ប៉ុណ្ណោះ។ ប៉ុន្តែ ចាប់តាំងពីពេលនោះមក ការមានទម្រង់លេងយ៉ាងល្អរបស់ PSG បានធ្វើឲ្យពួកគេមានពិន្ទុនាំមុខដាច់យ៉ាងឆ្ងាយម្តងទៀត…
ក្រដាសប្រាក់ ១០០យន់ របស់ប្រទេសចិន ក្រុងប៉េកាំងៈ កម្ចីជារូបិយប័ណ្ណក្នុងស្រុករបស់ចិនបានកើនលើសការរំពឹងទុកកាលពីខែមុន ខណៈពេលដែលការផ្គត់ផ្គង់សាច់ប្រាក់បានកើនឡើងក្នុងកម្រិតលឿនជាងមុនដែលនេះជាសញ្ញាមួយបង្ហាញថា ក្រុមអ្នកបង្កើតគោលនយោបាយកំពុងរក្សាការគាំទ្រឥណទានសម្រាប់សេដ្ឋកិច្ចបន្ទាប់ពីកំណើនសេដ្ឋកិច្ចនៅត្រីមាសដំបូងបានធ្លាក់ចុះដោយមិននឹកស្មានដល់។ ធនាគារកណ្តាលចិនបានឲ្យដឹងពីថ្ងៃម្សិលមិញនៅក្នុងទីក្រុងប៉េកាំងថាការផ្ដល់ប្រាក់កម្ចីមានចំនួន៧៩២,៩ពាន់លានយន់(១២៩ពាន់លានដុល្លារ) កាលពីខែមេសាខណៈពេលដែលការព្យាករជាមធ្យមថាមានចំនួនត្រឹមតែ៧៥៥ពាន់លានយន់។ ការផ្គត់ផ្គង់ថវិកាប្រភេទ M2 បានកើនឡើង១៦,១ភាគរយបើធៀបនឹងរយៈពេលដូចគ្នាកាលពីឆ្នាំមុនបន្ទាប់ពីកើនឡើងក្នុងអត្រា១៥,៧ភាគរយកាលពីខែមីនា។ អតិផរណាដែលមានអត្រាក្រោមគោលដៅប្រចាំឆ្នាំរបស់រដ្ឋាភិបាលរាល់ខែនៅឆ្នាំនេះបានធ្វើឲ្យធនាគារកណ្ដាលអាចរក្សាលំហូរឥណទានបានខណៈការងើបសេដ្ឋកិច្ចឡើងវិញនៅក្នុងប្រទេសដែលមានសេដ្ឋកិច្ចធំបំផុតទីពីរក្នុងពិភពលោកមួយនេះអាចស្ថិតក្នុងស្ថានភាពមួយដែលគ្មានស្ថិរភាព។ ទន្ទឹមនេះដែរកំណើនផ្ដល់ប្រាក់កម្ចីក៏អាចបង្កើនហានិភ័យនៅក្នុងប្រព័ន្ធហិរញ្ញវត្ថុដែលក្រុមមេដឹកនាំចិនថ្មីៗរួមទាំងប្រធានាធិបតីលោក ស៊ី ជីនភីងផងដែរកំពុងព្យាយាមគ្រប់គ្រងប្រព័ន្ធនេះ។ លោក Ding Shuang សេដ្ឋវិទូជាន់ខ្ពស់ចិនប្រចាំធនាគារCitigroup Inc នៅទីក្រុងហុងកុងបានថ្លែងថា៖«ការផ្គត់ផ្គង់ឥណទាននិងកម្ចីធនាគារខ្លាំងនៅក្នុងរយៈពេលបួនខែនៅឆ្នាំនេះនឹងមានលក្ខណៈគ្រប់គ្រាន់ក្នុងការគាំទ្រដល់ការស្ទុះងើបសេដ្ឋកិច្ចឡើងវិញរហូតដល់ត្រីមាសទីបី។ ហានិភ័យហិរញ្ញវត្ថុក៏អាចកើនឡើងដែរ»៕ PN
អតិថិជននៅហាងកាហ្វេ Starbucks នាក្រុងស៊ាងហៃ ប្រទេសចិន ក្រុងប៉េកាំងៈ និយតករប្ដូររូបិយប័ណ្ណប្រទេសចិននឹងលុបបំបាត់បទប្បញ្ញាតិចំនួន២៤ស្ដីពីរដ្ឋបាលមូលនិធិសម្រាប់ការវិនិយោគផ្ទាល់ពីបរទេសស្របតាមបទបញ្ជារបស់ក្រុមប្រឹក្សារដ្ឋក្នុងការកាត់បន្ថយការិយាធិបតេយ្យនិងបង្កើនតម្លាភាព។ យោងតាមសេចក្ដីថ្លែងការណ៍ដែលចេញផ្សាយនៅក្នុងសារាចរមួយនៅលើគេហទំព័ររបស់រដ្ឋបាលប្តូរប្រាក់បរទេសចិន (SAFE) កាលពីថ្ងៃម្សិលមិញវិធានការទាំងនេះគ្របដណ្ដប់លើបញ្ហាមួយចំនួនរួមទាំងការបណ្ដាក់ទុនប្រាក់ជាថ្មីជាប្រាក់យន់របស់ក្រុមហ៊ុនបរទេសមួយចំនួននិងការទិញអចលនទ្រព្យដោយបុគ្គលបរទេស។ និយតករបានឲ្យដឹងថា ការផ្លាស់ប្ដូរដែលនឹងចូលជាធរមាននៅថ្ងៃទី១៣ខែឧសភានេះគឺជាផ្នែកមួយនៃកិច្ចប្រឹងប្រែងរបស់ចិនក្នុងការកែទម្រង់ក្របខណ្ឌគោលនយោបាយស្ដីពីការបណ្តាក់ទុនផ្ទាល់ពីបរទេសការវិនិយោគក្រៅប្រទេសនិងការត្រួតពិនិត្យមើលមូលធន។ និយតករនេះបានឲ្យដឹងថា៖«ការលុបចោលទាំងនេះនឹងបង្កើតច្បាប់សម្រាប់ការវិនិយោគផ្ទាល់ពីបរទេសមានភាពងាយស្រួលជាងមុន មានស្តង់ដារ និងមានលក្ខណៈជាប្រព័ន្ធ»។ សារាចរនេះបានធ្វើឡើងបន្ទាប់ពីមានកំណែទម្រង់ដែលបានប្រកាសដោយនិយតករនេះកាលពីខែធ្នូ ឆ្នាំមុនស្ដីពីការគ្រប់គ្រងរូបិយប័ណ្ណពាក់ព័ន្ធនឹងការវិនិយោគពីបរទេស។ រដ្ឋបាល SAFE បានឲ្យដឹងថាការផ្លាស់ប្ដូរថ្មីបំផុតនេះធ្វើឲ្យមានភាពសាមញ្ញនិងពង្រឹងការចុះបញ្ជីរូបិយប័ណ្ណបរទេស ការបើកនិងប្រើប្រាស់គណនីការទទួលនិងការចំណាយមូលធន និងការទូទាត់។ កាលពីខែធ្នូចិនបានលុបចោលការដាក់កម្រិតលើការវិនិយោគវិនិយោគរដ្ឋ និងធនាគារកណ្ដាលបរទេសនៅក្នុងទីផ្សារមូលធនរបស់ខ្លួនដើម្បីជំរុញឲ្យមានភាពជាកម្មសិទ្ធិរបស់បរទេសរយៈពេលវែងនិងទប់ស្កាត់ការធ្លាក់ថ្លៃភាគហ៊ុន៕ PN
ភ្នំពេញៈ ក្រុមហ៊ុនអាកាសចរណ៍កម្ពុជាអ៊ែរឡាញគ្រោងនឹងចំណាយប្រាក់១,៥ពាន់លានដើម្បីទិញយន្តហោះ២២គ្រឿងដែលជាការឆ្ពោះទៅវ៉ាដាច់ក្រុមហ៊ុនអាកាសចរណ៍កម្ពុជាអង្គរអ៊ែរ។ លោក Ramon Ang ប្រធានក្រុមហ៊ុនអាកាសចរណ៍ហ្វីលីពីនអ៊ែរឡាញបាននិយាយក្នុងរបាយការណ៍ដែលបានចេញផ្សាយកាលពីសប្តាហ៍មុនតាមបណ្ដាញសារព័ត៌មាន Rappler នៅក្រុងម៉ានីលថា៖ «យើងនឹងចាប់ផ្ដើមបញ្ចេញយន្តហោះចំនួនពី១៦ទៅ២២គ្រឿងភ្លាមៗដើម្បីធ្វើការហោះហើរ»។ក្រុមហ៊ុនអាកាសចរណ៍ហ្វីលីពីនអ៊ែរឡាញកាន់កាប់ភាគហ៊ុន៤៩ភាគរយ ក្នុងក្រុមហ៊ុនកម្ពុជាអ៊ែរឡាញ ខណៈរ៉ូយ៉ាល់គ្រុប របស់លោក គិត ម៉េងកាន់កាប់ភាគហ៊ុននៅសល់។ កិច្ចព្រមព្រៀងដំណើរការយន្តហោះថ្មីនេះត្រូវបានចុះហត្ថលេខារួចហើយកាលពីខែមុន។ របាយការណ៍ដដែលបន្ថែមថា យន្តហោះដែលនឹងត្រូវទិញនេះនឹងដំណើរការជើងហោះហើររួមគ្នាដោយក្រុមហ៊ុនអាកាសចរណ៍ហ្វីលីពីនអ៊ែរឡាញនិងក្រុមហ៊ុនអាកាសចរណ៍កម្ពុជាអ៊ែរឡាញ។ ចំនួនយន្តហោះដែលត្រូវបានគ្រោងរបស់ក្រុមហ៊ុនកម្ពុជាអ៊ែរឡាញទំនងជាមានចំនួនច្រើនជាងយន្តហោះក្រុមហ៊ុនកម្ពុជាអង្គរអ៊ែរជាគូប្រជែងដ៏ធំរបស់ខ្លួនដែលមានបំណងទិញយន្តហោះប្រភេទ Airbus A321 ៦គ្រឿង និងយន្តហោះប្រភេទ ATR-72 ៦គ្រឿងត្រឹមឆ្នាំ២០១៥។ កាលពីខែមុនលោក Mark Hanna ប្រធានផ្នែកហិរញ្ញវត្ថុក្រុមហ៊ុនរ៉ូយ៉ាល់គ្រុប បានប្រាប់ភ្នំពេញ ប៉ុស្តិ៍ថា ក្រុមហ៊ុនកម្ពុជាអ៊ែរឡាញសង្ឃឹមថានឹងនាំចូលមកនូវយន្តហោះប្រភេទ Dash-8 ចំនួនពីរគ្រឿងនិងAirbus A321s ចំនួនពីរគ្រឿង។ ទាំងក្រុមហ៊ុនហ្វីលីពីនអ៊ែរឡាញនិងក្រុមហ៊ុនរ៉ូយ៉ាល់គ្រុបមិនអាចទាក់ទងបានទេ៕ PB
ឡូហ្គោរបស់ធនាគារ Citibank នៅសាខាក្រុងញូវយ៉ក ក្រុងអេឡេសព្រីៈ ក្រុមរដ្ឋមន្ត្រីហិរញ្ញវត្ថុនិងមន្ត្រីធនាគារកណ្ដាលរបស់ក្រុមប្រទេសមានសេដ្ឋកិច្ចជឿនលឿនទាំង(G7)បាននិយាយថា ពួកគេកំពុងធ្វើការងារឆ្ពោះទៅរកកំណែទម្រង់វិធានគ្រប់គ្រងប្រព័ន្ធធនាគារនិងការធានាថា ធនាគារណាដែលជិតក្ស័យធនអាចត្រូវបានបិទទ្វារដោយមិនគំរាមកំហែងដល់ស្ថិរភាពហិរញ្ញវត្ថុ។ បន្ទាប់ពីមានកិច្ចប្រជុំក្រុមប្រទេស G-7 នៅក្នុងទីក្រុងអេឡេសព្រីដែលស្ថិតនៅជិតទីក្រុងឡុងដ៍លោកMario Draghi ទេសាភិបាលធនាគារកណ្ដាលអឺរ៉ុបបានប្រាប់ក្រុមអ្នកកាសែតពីថ្ងៃម្សិលមិញថា «ការពិភាក្សាដ៏ទូលំទូលាយអំពីនិយតកម្មធនាគារ»មួយបានរួមបញ្ចូលទាំងកិច្ចពិភាក្សាអំពីថាតើត្រូវបិទទ្វារធនាគារយ៉ាងណា? លោកទេសាភិបាលបានបន្ថែមថា ក្រុមមន្ត្រី«បានដឹងយ៉ាងច្បាស់ថា ច្បាប់ផ្សេងៗគួរតែដាក់បញ្ចូលគ្នាតាមតែយើងអាចធ្វើបាន»។ក្រុម មេដឹកនាំសហភាពអឺរ៉ុបបានចាប់ផ្ដើមធ្វើការងារស្ដីពីសហភាពធនាគារកាលពីឆ្នាំមុនដើម្បីបំបែកវដ្តនៃការរីករាលដាលរវាងប្រទេសនិងក្រុមមេដឹកនាំខ្លួនដែលបានញាំញីតំបន់ចាយប្រាក់អឺរ៉ូក្នុងរយៈពេលបីឆ្នាំចុងក្រោយ។ ផែនការរកដំណោះស្រាយធនាគារអឺរ៉ុបគ្រោងនឹងលើកស្នើសុំនៅខែមិថុនាឆ្នាំនេះ។ បន្ទាប់ពីដឹកនាំកិច្ចប្រជុំហើយរដ្ឋមន្ត្រីក្រសួងហិរញ្ញវត្ថុរបស់ចក្រភពអង់គ្លេសលោក George Osborne បានថ្លែងថា៖«ប្រការសំខាន់គឺត្រូវបញ្ចប់ការងារយើងឲ្យបានរហ័សដើម្បីធានាថា គ្មានធនាគារធំណាមួយដែលមិនក្ស័យធននោះទេ។ យើងត្រូវដាក់របបទាំងនេះស្ថិតនៅក្រោមច្បាប់នីមួយៗរបស់យើងដើម្បីដោះស្រាយនឹងធនាគារដែលក្ស័យធន និងដើម្បីការពារក្រុមអ្នកបង់ពន្ធហើយត្រូវធ្វើដូច្នេះជាប់ជានិច្ចនៅទូទាំងពិភពលោក»។ រដ្ឋមន្ត្រីហិរញ្ញវត្ថុទាំងនេះបានឲ្យដឹងថាពួកខ្លួនក៏នឹងពិភាក្សាពីសារៈសំខាន់នៃការបង្កើតសហភាពធនាគាររបស់អឺរ៉ុបនិងសម្អាតតារាងតុល្យភាពរបស់ធនាគារមួយចំនួនផងដែរ។ ដោយថ្លែងប្រាប់ក្រុមអ្នកកាសែតក្នុងលក្ខខណ្ឌមិនប្រាប់ឈ្មោះមន្ត្រីរតនាគារអាមេរិកមួយរូបថ្លែងថាក្រុមប្រទេសដែលចូលរួមបានពិភាក្សាគ្នាពីរបៀបដើម្បីឆ្ពោះទៅរកការបង្កើតសហភាពធនាគារមួយឲ្យបានឆាប់រហ័ស៕ PN
ទូរស័ព្ទ Nokia Asha 501 ដែលប្រតិបត្តិការដោយកម្មវិធី Asha ថ្មី ក្រុងអេសពូៈ ក្រុមហ៊ុន Nokia Oyi ដែលកំពុងព្យាយាមបង្កើនការលក់ទូរស័ព្ទចល័តតម្លៃថោកឡើងវិញនៅក្នុងទីផ្សារដែលកំពុងស្ទុះងើបដូចជាប្រទេសឥណ្ឌានោះបានដាក់បង្ហាញកម្មវិធីថ្មីដើម្បីដំណើរការជាមួយទូរស័ព្ទAsha របស់ខ្លួននិងបង្ហាញកិច្ចព្រមព្រៀងមួយដែលអនុញ្ញាតឲ្យអតិថិជនប្រើប្រាស់បណ្តាញទំនាក់ទំនងសង្គមFacebook ដោយមិនគិតថ្លៃនៅតាមទូរស័ព្ទដៃរបស់ពួកគេ។ កម្មវិធីថ្មីដែលមានឈ្មោះថាកម្មវិធី Asha នេះគឺជាការធ្វើបច្ចុប្បន្នភាពពីកម្មវិធីចាស់S40 ដែលប្រតិបត្តិការក្នុងទូរស័ព្ទចំនួនជាង៣០០លានគ្រឿងដែលបានដាក់លក់កាលពីឆ្នាំមុន។ កម្មវិធីថ្មីនេះនឹងដាក់ដំណើរការជាលើកដំបូងនៅក្នុងទូរស័ព្ទ Asha 501 ហើយកម្មវិធីនេះអាចឲ្យអ្នកប្រើផ្លាស់ប្ដូរពីអេក្រង់មួយទៅអេក្រង់មួយទៀតបានខណៈពេលកំពុងបើកវីនដូច្រើននិងនាំមកឲ្យអ្នកប្រើប្រាស់នូវមុខងារផ្សេងៗនៅក្នុងទូរស័ព្ទតម្លៃថោកដែលប្រហាក់ប្រហែលនឹងទូរស័ព្ទទំនើបដូចជាម៉ាក Lumia ផងដែរ។ ក្រុមហ៊ុនNokia បានលក់ទូរស័ព្ទចល័តតិចជាងការប៉ាន់ប្រមាណរបស់ក្រុមអ្នកវិភាគចំនួនប្រហែល១១លានគ្រឿងនៅត្រីមាសដំបូងដោយការលក់ទូរស័ព្ទបានធ្លាក់ចុះ២១ភាគរយនៅត្រឹម៥៥,៨លានគ្រឿង។ ប្រធាននាយកប្រតិបត្តិលោក Stephen Elop បានទម្លាក់កំហុសលើការប្រកួតប្រជែងខ្លាំងថាជាមូលហេតុដែលនាំឲ្យការលក់ធ្លាក់ចុះនេះ ហើយលោកបានថ្លែងថាការបន្ថែមម៉ូដែលកម្មវិធីAsha ថ្មី និងការកំណត់តម្លៃទាបនេះនឹងជួយឲ្យក្រុមហ៊ុនNokia ដែលមានមូលដ្ឋាននៅទីក្រុង Espoo ប្រទេសហ្វាំងឡង់មួយនេះទទួលបានអតិថិជនត្រឡប់មកវិញ។ លោក Timo Toikkanen ប្រធានអង្គភាពអាជីវកម្មទូរស័ព្ទក្រុមហ៊ុន Nokia បានថ្លែងកាលពីថ្ងៃម្សិលមិញនៅក្នុងសេចក្ដីថ្លែងការណ៍មួយថា៖«ទូរស័ព្ទ Nokia Asha 501 ថ្មីនេះបង្កើតស្តង់ដារទូរស័ព្ទដៃទំនើបតម្លៃថោក»។ ភាគហ៊ុនក្រុមហ៊ុនNokia បានធ្លាក់ចុះ៧,១ភាគរយនៅឆ្នាំនេះគិតត្រឹមថ្ងៃម្សិលមិញនៅក្នុងទីក្រុង Helsinki ដោយឆ្ពោះទៅរកការធ្លាក់ចុះរយៈពេល៦ឆ្នាំជាប់គ្នា៕…
លោក Mario Draghi ទេសាភិបាលធនាគារកណ្តាលអឺរ៉ុប ក្រុងអេឡេសព្រីៈ ទេសាភិបាលកណ្ដាលអឺរ៉ុបលោក Mario Draghi បានថ្លែងថា ធនាគារកណ្ដាលអឺរ៉ុប (ECB)កំពុងពិចារណាលើការទិញមូលបត្រទ្រព្យសកម្ម(asset-backed securities)ក្នុងចំណោមលទ្ធភាពជម្រើសមួយចំនួនដើម្បីគាំទ្រដល់ការផ្ដល់ប្រាក់កម្ចីដល់ក្រុមហ៊ុនខ្នាតតូច និងមធ្យមមួយចំនួន។ លោក Draghi បានប្រាប់ក្រុមអ្នកកាសែតបន្ទាប់ពីមានកិច្ចប្រជុំថ្នាក់រដ្ឋមន្ត្រីហិរញ្ញវត្ថុប្រទេសដែលមានសេដ្ឋកិច្ចជឿនលឿនទាំង៧ (G7)នៅក្នុងទីក្រុងអេឡេសព្រីប្រទេសអង់គ្លេសថា៖«យើងបានសម្លឹងមើលរឿងរ៉ាវជាច្រើនយ៉ាងក្នុងនោះមានរឿងមួយគឺជារឿងមូលបត្រទ្រព្យសកម្មនេះឯង។ យើងនៅតែកំពុងសម្លឹងមើលបញ្ហានេះនៅឡើយ។វាជាជម្រើសមួយក្នុងចំណោមជម្រើសជាច្រើន»។ ធនាគារកណ្តាលអឺរ៉ុបអន្ទះសាចង់កៀរគរការផ្ដល់ប្រាក់កម្ចីឲ្យមកធ្វើឡើងនៅធនាគារដែលមានចំនួន៨០ភាគរយនៃការផ្ដល់ហិរញ្ញប្បទានសាជីវកម្មសរុបនៅក្នុងតំបន់ចាយប្រាក់អឺរ៉ូធៀបនឹងតិចជាង២០ភាគរយនៅអាមេរិក។ ការផ្ដល់ប្រាក់កម្ចីដល់គ្រួសារនិងក្រុមហ៊ុននៅក្នុងតំបន់នេះបានធ្លាក់ចុះរយៈពេល១១ខែជាប់គ្នាគិតត្រឹមខែមីនាហើយក្រុមហ៊ុនខ្នាតតូចនិងមធ្យមដែលផ្តល់ចំនួនការងារច្រើននៅអ៊ីតាលីនិងអេស្ប៉ាញនោះបានក្លាយជាក្រុមហ៊ុនរងគ្រោះយ៉ាងពិតប្រាកដ។ លោកDraghi បានថ្លែងថា៖«ចំពោះភាគីខាងផ្ដល់ប្រាក់កម្ចីយើងឃើញថា ស្ថានភាពនៅតែមានភាពតានតឹងជាពិសេសនៅក្រៅតំបន់ ប៉ុន្តែមិនមែនទាំងស្រុងទេ»។ លោកបានលើកឡើងថា៖«ទោះជាយ៉ាងណាស្ថានភាពកាន់តែមានសភាពល្អប្រសើរឡើងៗឬក៏អាចនិយាយបានថា ស្ថានភាពនៅតែតានតឹងតែវាតានតឹងតិចជាងពេលដែលធ្លាប់កើតមាន»។ សមាជិកក្រុមប្រឹក្សាប្រតិបត្តិធនាគារកណ្តាលអឺរ៉ុប លោក Joerg Asmussen បានថ្លែងថា ធនាគារកណ្ដាលបានពិភាក្សាពីការទិញមូលបត្រទ្រព្យសកម្មនេះ ខណៈសមាជិកក្រុមប្រឹក្សាផ្សេងទៀតគឺលោក Yves Mersch បានថ្លែងនៅថ្ងៃដដែលនោះថា ធនាគារកណ្តាលអឺរ៉ុប«កំពុងសម្លឹងមើលវិធីមួយចំនួនដើម្បីស្ដារឡើងវិញនូវទីផ្សារមូលបត្រទ្រព្យសកម្ម»៕ PN