131023_02 កសិកម្មជាវិស័យសំខាន់មួយសម្រាប់ផ្គត់ផ្គង់ជីវិតរស់នៅប្រចាំថ្ងៃរបស់ប្រជាពលរដ្ឋ។ សព្វថ្ងៃយើងសង្កេតឃើញថាយុវជនខ្លះមិនសូវជាចាប់អារម្មណ៍ក្នុងវិស័យកសិកម្មឡើយ។ រីឯ ការសិក្សាវិញគឺនៅមានចំនួនតិច។ អ្នកខ្លះទៀតគិតថា សិក្សាកសិកម្មពិតជាពិបាកក្នុងការរកការងារធ្វើទៅថ្ងៃអនាគត។ អ្នកយកព័ត៌មានរបស់ LIFTពិភាក្សាពីបញ្ហានេះ។ យ៉ាងណាមិញក៏មានយុវជនខ្លះយល់ពីតម្លៃរបស់កសិកម្មដែរជាពិសេសសម្រាប់ខ្លួនឯងនិងក្រុមគ្រួសារក៏ដូចជាសង្គមជាតិ។ ពួកគាត់បានប្រើប្រាស់ដីឲ្យអស់សក្តានុពល ដើម្បីដាំដុះដំណំាំផ្សេងៗនិងចិញ្ចឹមសត្វ។ រីឯ អ្នកខ្លះបាន ព្យាយាមស្វែងរកអាហារូបករណ៍ទៅសិក្សានៅក្រៅប្រទេស ដើម្បីពាំនាំយកចំណេះដឹងនិងបទពិសោធមកធ្វើការអភិវឌ្ឍប្រទេសកំណើតរបស់ខ្លួនវិញ។ តើមានជំនាញអ្វីខ្លះដែលនិស្សិតក្រៅប្រទេសយើងចែករំលែកនៅក្នុងវិស័យកសិកម្ម? សូមចូលទៅអានទំព័រខាងក្នុង។ កសិកម្មមិនមែនអាចអនុវត្ត បានតែនៅតាមទីជនបទនោះទេ នៅទីក្រុងក៏អាចដាំដុះបានដែរ។បច្ចុប្បន្នអ្នកនៅទីក្រុងខ្លះបានដាំបន្លែដោយខ្លួនគាត់ដោយគាត់យល់ថាបន្លែនៅលើទីផ្សារខ្លះ មានជាតិគីមី។ បើលោកអ្នកមានអ្វីចង់បន្ថែមឬចែករំលែកសូមសរសេរលិខិតមកកាន់អ៊ីមែល pivoine.beang@phnompenhpost.com។ សូមអរគុណ!
Author: ប៊ាង ពីវ័ន
pivoine ស្របពេលវិទ្យាសាស្រ្តកំពុងតែវិវឌ្ឍទៅមុខឥតឈប់ឈរសិល្បៈបុរាណខ្មែរស្ទើរតែមិនសូវទទួលបានអ្នកចាប់អារម្មណ៍ ជាពិសេស ពីសំណាក់យុវជននិងក្មេងៗជំនាន់ក្រោយ។ ចំពោះអាជីពផ្នែកនេះក៏មិនសូវជាមានអ្នកណាចាប់អារម្មណ៍ដែរ ដោយសារអ្នកខ្លះអាចរកចំណូលបានតិចនិងខ្វះការគាំទ្រពីយុវជនជំនាន់ក្រោយ។ យ៉ាងណាមិញ មនុស្សវ័យចំណាស់នៅតែចាប់អារម្មណ៍និងគាំទ្រវិស័យសិល្បៈបុរាណខ្មែរ។ ទោះជាយ៉ាងណាក៏ដោយ ក៏មានយុវជនខ្លះដែរ ដែលចាប់អារម្មណ៍វិស័យសិល្បៈបុរាណខ្មែរហើយថែមទាំងមានគំនិតចង់អភិរក្សនិងលើកស្ទួយ ទៀតផង តាមរយៈការសិក្សាពីផ្នែកនេះ និងចាប់យកជំនាញហើយចែករំលែកចំណេះដឹងនិងបទពិសោធទៅអ្នកដទៃទៀតផង។ ជាក់ស្តែងយុវជនមួយរូបបានចាប់យកជំនាញចាប៉ីដងវែងធ្វើជាអាជីពនិងស្រីស្អាតមួយរូបនោះមានបំណងប្រាថ្នាចង់ក្លាយជាអ្នករាំរបាំអប្សារា។ សូមចូលទៅអានព័ត៌មានពិស្តារនៅទំព័រខាងក្នុង។ បើយើងងាកមកមើលសិល្បៈសម័យវិញ យុវជន បច្ចុប្បន្ន ក៏មានការចាប់អារម្មណ៍ខ្លាំង ហើយ យុវតីមួយរូបបានលង់ស្នេហ៍នឹងសម្រស់ទឹកដមសំឡេងរបស់ម្ចាស់ហ្គីតាដោយមិនដឹងខ្លួន។ដោយសារតែភាពរស់រវើកនិងភាពទាក់ទាញពីសម្លេងហ្គីតានិងអ្នកលេងហ្គីតារូបនោះ។ LIFT នៅមានអត្ថបទផ្សេងទៀតនៅខាងក្នុង។ បើលោកអ្នកចាប់អារម្មណ៍សូមកុំខកខានឲ្យសោះ ហើយបើសិនលោកអ្នកមានអ្វីចង់បន្ថែម សូមសរសេរលិខិតមកកាន់យើងខ្ញុំតាមរយៈ pivoine.beang@phnompenhpost.com។ សូមរីករាយជាមួយសិល្បៈនិងតន្ត្រីនៅសប្តាហ៍នេះ!
130724_02 ដើម្បីស្វែងរកបានការងារមួយល្អ ប្រសើរ យុវជនបានស្វះស្វែងរកការងារធ្វើទាំងនៅអំឡុងពេលសិក្សានិងពេលបញ្ចប់ការសិក្សានៅមហាវិទ្យាល័យដើម្បីធ្វើឲ្យជីវិតកាន់តែស្រស់ថ្លា និងសម្រេចគោលដៅនៅក្នុងជីវិត។ ថ្មីៗនេះយុវជនមួយចំនួនផ្អើលចុះឈ្មោះធ្វើការនៅក្នុងក្រុមហ៊ុនដែលមានលក្ខណៈជាបណ្តាញហើយមានការឃោសនាថា នឹង ទទួលបានប្រាក់កម្រៃច្រើន។អ្នកយកព័ត៌មានរបស់LIFT បានរកឃើញថាមានយុវជនខ្លះខាតបង់ទាំងពេលវេលា និងប៉ះពាល់ដល់ការសិក្សាឬការងារទៀតផង។ ដើម្បីទទួលបានអនាគតការងារមួយដ៏ល្អប្រសើរយុវជនកម្ពុជាបានខ្នះខ្នែងទៅសិក្សានៅក្រៅប្រទេសដែលនៅក្នុងនោះនិស្សិតច្បាប់មួយរូបបានចែករំលែកនូវបទពិសោធនៃការសិក្សានិងប្រព័ន្ធច្បាប់មកពីប្រទេសជប៉ុន។ ដោយសារការបោះឆ្នោតជាសកលនឹងចូលមកដល់នៅថ្ងៃទី ២៨ខែកក្កដាខាងមុខនេះហើយកាលពីសប្តាហ៍មុន LIFT បានធ្វើបទសម្ភាសន៍មួយជាមួយលោក សួងសុភ័ណ្ឌបក្ខជនតំណាងរាស្រ្តរបស់គណបក្សសង្គ្រោះជាតិនៅទីក្រុងប៉ៃលិន។ ដូច្នេះសប្តាហ៍នេះLIFTក៏មានបទសម្ភាសពិសេសជាមួយបេក្ខជនតំណាងរាស្រ្តប្រចាំនៅខេត្តកំពង់ចាមរបស់គណបក្សប្រជាជនគឺលោក សាយសំអាល់ស្តីអំពីតួនាទីយុវជននៅក្នុងវិស័យនយោបាយ។ LIFT នៅមានអត្ថបទផ្សេងទៀតនៅខាងក្នុង។បើលោកអ្នកមានអ្វីចង់ចែករំលែកសូមសរសេរលិខិតមកកាន់យើងខ្ញុំតាមរយៈ pivoine.beang@phnompenhpost.com។ សូមអរគុណ!
121024_02 សេចក្តីស្នេហាប្រៀបបានទៅនឹងរបស់មានតម្លៃមួយដែលមនុស្សពិបាកនឹងខ្វះបាន។នៅមុនពេលមនុស្សម្នាក់ៗទទួលបានសេចក្តីស្នេហាមួយដ៏ស្មោះត្រង់អ្នកទាំងនោះត្រូវឆ្លងកាត់និងព្យាយាមជម្នះនូវរាល់ឧបសគ្គជាច្រើនទម្រាំតែពួកគេបានរួមរស់នៅជាមួយគ្នា និងបង្កើតបានជាក្រុមគ្រួសារមួយប្រកបដោយសុភមង្គល។ បន្ទាប់ពីបង្កើតបានជាក្រុមគ្រួសារមួយជាមួយអ្នកដែលខ្លួនស្រឡាញ់រួចហើយ អ្នកទាំងនោះត្រូវប្រឈមទៅនឹងបញ្ហាផ្សេងៗទៀតដែលអាចកើតមានឡើងចំពោះអ្នកទាំងពីរដូចជាទំនាស់ជាមួយសាច់ញាតិក្នុងគ្រួសារការចិញ្ចឹមបីបាច់ថែរក្សាកូននិងការរកចំណូលសម្រាប់គ្រួសារជាដើម។ នៅសប្តាហ៍នេះLiftនឹងធ្វើការពិភាក្សាអំពីបញ្ហារបស់យុវវ័យនៅមុនពេលចាប់ដៃគ្នាជាគ្រួសារនិងជុំវិញបញ្ហាប្រឈមនានានៅក្នុង គ្រួសារ ជាពិសេសចំពោះមាតាបិតាដែលមានបុត្រាបុត្រីតូចៗ។ជាងនេះទៅទៀតLiftរកបាននូវអ្នកជំនាញដែលផ្តល់ប្រឹក្សាចំពោះ បញ្ហាទាំងនោះក៏ដូចជាចែករំលែកនូវបទពិសោធចំពោះអ្នកដែលប្រឈមបញ្ហា។ អ្នកយកព័ត៌មានរបស់យើងបានធ្វើការសាកសួរយោបល់ផ្សេងៗគ្នាពីអ្នកដែលមានគ្រួសារហើយអំពីវិធីសាស្រ្តនានាដើម្បីឲ្យមានទំនាក់ទំនងល្អជាមួយម្តាយក្មេក។ចុះអ្នកវិញតើអ្នកមានយុទ្ធសាស្រ្តអ្វីខ្លះជាមួយម្តាយក្មេករបស់អ្នក? Liftនៅមានអត្ថបទសំខាន់ៗ និងមាន ប្រយោជន៍នៅខាងក្នុង។បើលោកអ្នកមានអ្វីចង់បន្ថែមសូមទាក់ទងមកកាន់pivoine.beang@phnompenhpost.com។ សូមអរគុណ!
121010_02 ជម្រាបសួរប្រិយមិត្ដ រដូវភ្ជំបិណ្ឌបានចូលមកដល់ហើយ តើអ្នកបានយកចង្ហាន់ទៅវត្តហើយឬនៅ?មានប្រជាពលរដ្ឋខ្លះបានយកចង្ហាន់ទៅវត្តហើយ ហើយក៏មានអ្នកខ្លះទៀត ត្រៀមនឹងទៅវត្តនៅថ្ងៃបិណ្ឌធំតែម្តង។ នៅពេលកាន់បិណ្ឌម្តងៗយើងសង្កេតឃើញថា មានវត្តមួយចំនួនមានប្រជាពលរដ្ឋជាច្រើនយកចង្ហាន់ទៅកកកុញ ប៉ុន្តែក៏មានវត្តមួយចំនួនទៀត មិនសូវមានប្រជាពលរដ្ឋចាប់អារម្មណ៍ទៅនោះទេ ហើយចង្ហាន់ក៏មិនសូវជាសំបូរហូរហៀដែរ។ តើហេតុអ្វីបានជាមានវត្តខ្លះសំបូរហូរហៀហើយវត្តខ្លះទៀត បែរជាខ្វះខាតទៅវិញ? យ៉ាងណាមិញបច្ចុប្បន្ននេះ មានព្រះសង្ឃមួយចំនួនប្រព្រឹត្តិអង្គឯងមិនសាកសមជាអ្នកបួសហើយមានសង្ឃដីកាប្រាសចាកពីវិន័យជាអ្នកបួស។ ទង្វើទាំងនេះបានជះឥទ្ធិពលទៅដល់ព្រះពុទ្ធសាសនានៅកម្ពុជា ហើយអាចធ្វើឲ្យប្រជាពលរដ្ឋ ក៏ដូចជាយុវវ័យផ្ទាល់បាត់អស់នូវជំនឿចិត្ត លើវិស័យព្រះពុទ្ធសាសនាផងដែរ។ នៅសប្តាហ៍នេះ Lift ធ្វើការពិភាក្សាជុំវិញប្រពៃណី និងជំនឿទៅលើសាសនាព្រះពុទ្ធ ជាពិសេសគឺទំនៀមទម្លាប់នៅពេលបុណ្យភ្ជុំបិណ្ឌនេះតែម្តង ហើយយុវជនបានចូលរួមអ្វីខ្លះនៅក្នុងពិធីដ៏វិសេសនេះ។ ក្នុង រដូវបុណ្យភ្ជុំបិណ្ឌនេះដែរ អ្នកយកព័ត៌មានរបស់យើង បានស្វែងរក និងសម្ភាសជាមួយយុវជនដែលមកពីមជ្ឈដ្ឋានខុសៗគ្នាអំពីការត្រៀមខ្លួនរបស់ពួកគេចំពោះឪពុកម្តាយនៅក្នុងឱកាស បុណ្យភ្ជំបិណ្ឌ។ Lift រីករាយស្វាគមន៍នូវរាល់យោបល់ផ្សេងៗមកកាន់ pivoine.beang@phnompenhpost.com។ សូមអរគុណ!